Njoftim Për Vend Të Lirë Pune - Analist i Riskut të Kredive

Banka ProCredit ka shpallur pozicionin vankant Analist i Riskut të Kredive për Biznesin e Mesëm. Ky rol është përgjegjës për vlerësimin dhe monitorimin e riskut të aplikimeve të kredisë për segmentin e bizneseve të mesme, duke mbështetur procesin e vendimmarrjes me analiza të detajuara dhe të pavarura.

Përgjegjësitë kryesore:

• Analizon aplikimet për financim të klientëve të biznesit të mesëm dhe jep opinion mbi kreditimin. 
• Vlerëson aftësinë kreditore, besueshmërinë dhe rreziqet që lidhen me aktivitetin, tregun, menaxhimin dhe strukturën e kompanisë. 
• Analizon pasqyrat financiare historike dhe projektimet nga perspektiva e riskut të kredive. 
• Propozon strukturën dhe vlerën e kolateralit në bashkëpunim me specialistët e vlerësimit. 
• Përgatit dhe firmos raportet e vlerësimit të riskut dhe klasifikon ekspozimet. 
• Prezanton aplikimet në Komitetin e Kredive dhe siguron dokumentacion të plotë për aprovimin dhe disbursimin. 
• Monitoron portofolin e klientëve, duke siguruar përmbushjen e kushteve dhe identifikimin e hershëm të rreziqeve. 
• Siguron zbatimin e politikave dhe procedurave të riskut dhe kontribuon në përmirësimin e tyre. 
• Bashkëpunon me auditues dhe palë të tjera kontrolli, duke siguruar transparencë dhe perputhshmëri. 
• Respekton standardet e konfidencialitetit dhe mbështet ekipet e tjera sipas nevojës.

Kriteret për kandidatët:

• Diplomë universitare në Financë, Ekonomi, Administrim Biznesi ose fusha të ngjashme.
• Mbi 3 vite eksperiencë në fushën e riskut të kredive, analizes financiare apo sektorin bankar në vlerësimin e rrezikut të kredive.
• Aftësi të mira analitike, organizative dhe të vendimmarrjes.
• Aftësi për të punuar në mënyrë të pavarur dhe në bashkëpunim në ekip.
• Njohuri të politikave dhe standardeve të riskut në sektorin bankar.
• Njohuri shumë të mira të gjuhës angleze.

Nëse jeni të interesuar për të aplikuar për këtë pozicion, ju lutemi të dërgoni CV-në tuaj të përditësuar dhe një Letër Motivimi, deri më 18.06.2026, në adresën:

burime.njerezore@procredit-group.al

ProCredit Bank sh.a. deklaron se i përpunon të dhënat personale të aplikantëve mbështetur në Ligjin Nr. 124/2024, datë 19.12.2024, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikantëve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.

ProCredit Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon ProCredit Bank sh.a. dhe ky personel ka për detyre të ruajë konfidencialitetin e të dhënave sensitive.

Individët që aplikojnë pranë ProCredit Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet më sipër.

Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në adresën e emailit të Burimeve Njerëzore të ProCredit Bank sh.a burime.njerezore@procredit-group.com