Njoftim Për Vend Të Lirë Pune - Specialist i Qendrës së Kontaktit

ProCredit Bank kërkon të punësojë Specialist në Qendrën e Kontaktit, i cili/e cila do të ofrojë mbështetje dhe shërbim cilësor për klientët ekzistues dhe potencialë përmes kanaleve të komunikimit (telefon, email, rrjetet sociale, e-banking/mobile banking). Ky rol përfshin orientimin e klientëve drejt produkteve dhe shërbimeve që i përshtaten nevojave të tyre, si dhe mbështetjen e objektivave komerciale dhe cilësinë e përgjithshme të shërbimit të klientit.

Përgjegjësitë kryesore:

• Menaxhimi i komunikimit me klientët (telefon, email, chat, rrjete sociale).
• Dhënia e informacionit për produktet dhe shërbimet bankare.
• Trajtimi dhe ndjekja e kërkesave/ankesave deri në zgjidhje.
• Ofron zgjidhje brenda autoritetit të tij ose e eskalon rastin, duke siguruar që të gjitha informacionet përkatëse janë të plota.
• Mbështetja e fushatave promovuese dhe shitjeve.
• Sigurimi i standardeve të larta të shërbimit dhe konfidencialitetit.
• Identifikon në mënyrë proaktive raste për përmirësim të proceseve dhe i ndjek ato deri në implementim, në bashkëpunim me drejtuesin e njësisë.

Kriteret për kandidatët:

• Studentë apo të sapodiplomuar në Ekonomi/Administrim Biznesi ose fusha te ngjashme. 
• Gatishmëri për të punuar me orare fleksibile (pasdite, fundjavë dhe ditë festive).
• Përvojë në shërbim klienti (avantazh).
• Aftësi shumë të mira komunikimi në shqip dhe anglisht.
• Aftësi kompjuterike bazë (MS Office).
• Aftësi për të punuar si pjesë e një ekipi dhe në mënyrë të pavarur.
• Integritet, konfidencialitet dhe respekt rigoroz i procedurave.

Çfarë ofron banka:

• Mundësi zhvillimi profesional në një institucion bankar me standarde ndërkombëtare.
• Trajnime të vazhdueshme në shërbimin e klientit dhe produktet bankare.
• Pjesëmarrje aktive në projekte të inovacionit digjital dhe përvojës së klientit.
• Ambient pune bashkëpunues, dinamik dhe fleksibil.
• Paketë konkurruese përfitimesh.

Nëse jeni të interesuar për të aplikuar për këtë pozicion, ju lutemi të dërgoni CV-në tuaj të përditësuar dhe një Letër Motivimi, deri më 18.06.2026, në adresën:

burime.njerezore@procredit-group.al

ProCredit Bank sh.a. deklaron se i përpunon të dhënat personale të aplikantëve mbështetur në Ligjin Nr. 124/2024, datë 19.12.2024, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikantëve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.

ProCredit Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon ProCredit Bank sh.a. dhe ky personel ka për detyre të ruajë konfidencialitetin e të dhënave sensitive.

Individët që aplikojnë pranë ProCredit Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet më sipër.

Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në adresën e emailit të Burimeve Njerëzore të ProCredit Bank sh.a burime.njerezore@procredit-group.com