Investime nė biznes Eficienca e Energjisė

Përdorni kredinë Eficienca e Energjisë, kurseni energjinë, ulni shpenzimet tuaja mujore!

Kredia më e re në treg e ofruar për të gjithë bizneset

Të gjithë jemi të vetëdijshëm që makineritë që përdoren në shumë proçese industriale në bizneset e sotme kanë eficiencë të ulët. Shpesh kjo ka sjellë shpërdorim të energjisë së përdorur si dhe në kosto operacionale të larta për kompanitë, pa përmendur faktin që ka pasur një ndikim të madh në rritjen e gazeve serë dhe në ndotjen e mjedisit tonë. 

Në të gjitha aktivitetet bujqësore apo blegtorale shpenzohet energji. Sot, gjenden shumë masa apo investime të cilat fermerët mund ti realizojnë në fermat e tyre për të ulur energjinë dhe për të rritur kursimet mujore. 

Bizneset kanë mundësinë e uljes së shpenzimeve mujore pasi duke ulur konsumin e energjisë reduktohet fatura e energjisë elektrike (mjaft e rëndësishme sidomos në ditët e sotme, kur tregu është bërë më i vështirë dhe konkurrenca është më e ashpër). Një përfitim tjetër dhe mjaft I rëndësishëm për bizneset është gjithashtu sigurimi i avantazhit konkurrues në treg (psh një furrë buke nëse investon në furrë të re efikase, jo vetëm që do paguajë më pak faturën e energjisë elektrike por do të rrisë produktivitetin si dhe cilësinë e produkteve të bukës). Në këtë mënyrë siguron rritjen e klientelës e cila padyshim do të çojë në rritjen  e fitimeve. Duke kursyer para bizneset kanë më tepër mundësi për të bërë investime të mëtejshme në aktivitetin e tyre. Gjithashtu bizneset që investojnë në produkte EKO përmirësojnë imazhin e biznesit të tyre si një biznes që investon në cilësi dhe kujdeset për ambientin. Ndryshimi i klimes mund te jete nje problem i madh, por ka shume gjera te vogla qe mund te bejme sebashku per te ulur kete efekt.  Nëse do të përpiqemi, shumica prej nesh mund të bëjmë pjesën tonë për të reduktuar sasinë e gazeve sere që ne kemi në atmosferë. 

Eficienca e Energjisë arrihet nëpërmjet: 

  • Teknologjive ose proceseve më eficente  
  • Ndryshimit të qëndrimit individual 

Masat për Eficencën e Energjisë mund të jenë me kosto të ulët ose pa kosto; megjithatë, ka dhe masa që kërkojnë një kosto të lartë investimi, por që kanë përfitim të ndjeshëm financiar në periudhë afatgjatë.