Baner Korporativ Brenda

Etika e Biznesit dhe Standardet Mjedisore

Etika e Biznesit

Pjesë e misionit të përgjithshëm të grupit ProCredit është caktimi i standardeve në sektorët financiarë në të cilët ne kryejmë aktivitete. Ne dëshirojmë të krijojmë ndryshime jo vetëm në kushtet e grupeve të synuara të cilëve u shërbejmë dhe cilësisë së shërbimeve financiare që ofrojmë, por edhe në lidhje me etikën e biznesit VLERAT TONA të forta korporative luajnë një rol kryesor në këtë aspekt. Ne kemi krijuar gjashtë parime themelore që drejtojnë operacionet e institucioneve ProCredit:

- Transparenca: Ne sigurojmë inforamcion transparent klientëve tanë, publikun e gjerë si dhe për punonjësit tanë.  Për shembull ne sigurohemi që klientët tanë të kuptojnë plotësisht termat dhe kontratat që lidhin me ne, prandaj ne angazhohemi në edukimin financiar, në mënyrë që të rrisim ndërgjegjësimin e publikut për rreziqet e ofertave financiare jotransparente.

- Kultura e komunikimit të hapur: Ne jemi të hapur, të drejtë dhe konstruktivë në komunikimet me njëri-tjetrin, dhe i trajtojmë konfliktet në punë në mënyrë profesionale, duke bashkëpunuar për gjetjen e zgjidhjeve.

- Përgjegjshmëria sociale dhe toleranca: Ne ju ofrojmë klientëve tanë këshilla të vlefshme. Përpara se t’u ofrojmë kredi klientëve tanë , ne vlerësojmë situatën e tyre ekonomike dhe financiare, potencialin e tyre të biznesit dhe kapacitetin e tyre të shlyerjes. Mbi këtë bazë ne I ndihmojmë ata të zgjedhin mundësitë e kredive të përshtatshme nga të cilat ata mund të përfitojnë, dhe të shmangin mbingarkesën. Promovimi I një kulture kursimi është një tjetër pjesë e misionit tonë, sepse ne besojmë se kursimet individuale luajnë një rol të rëndësishëm në shoqëritë me nivele relativisht të ulëta të mirëqenies sociale. Ne jemi të angazhuar në trajtimin e klientëve dhe punonjësve tanë me drejtësi dhe respekt, pavarësisht origjinës, ngjyrës, gjinisë, besimit politik apo fetar.

- Orientimi i shërbimit: Çdo klient shërbehet në mënyrë miqësore, të sjellshme e kompetente. Punonjësit tanë janë të përkushtuar të ofrojnë shërbim të shkëlqyer për të gjithë klientët, pavarësisht nga prejardhja e tyre apo përmasat e biznesit të tyre.

- Standardet e larta profesionale: Punonjësit tanë janë përgjegjës për cilësinë e punës së tij/saj dhe përpiqet të rriten në anën profesionale.

- Shkallë e lartë integriteti personal dhe përkushtimi: Ndershmëria e plotë është e nevojshme për të gjtihë punonjësit e grupit ProCredit në të gjtiha kohët dhe çdo shkelje e këtij parimi është trajtuar me shpejtësi dhe rigorozitet.

Këto gjashtë vlera përfaqësojnë themelin e kulturës sonë korporative dhe diskutohen e aplikohen gjerësisht në operacionet tona të përditshme. Përveç kësaj, ato reflektohen në Kodin e Sjelljes të ProCredit Bank, i cili i transformon parimet etike të grupit ProCredit në direktiva praktike për të gjithë stafin e ProCredit Bank. Për të siguruar që stafi i ri të kuptojë plotësisht të gjitha parimet që janë përcaktuar, trajnimi prezantues për punonjësit e rinj përfshin sesione që i përkushtohen ekskluzivisht Kodit të Sjelljes dhe rëndësisë së tij për të gjithë anëtarët e ekipit tonë. Orët e rregullta të trajnimit ndihmojnë për sigurimin që punonjësit të jenë të përkushtuar me vlerat më të larta etike dhe janë të mirëinformuar për çështjet dhe zhvillimet e reja të cilat kanë një dimension etik për institucionin tonë. Këto i lejojnë stafit ekzistues të informohet mbi rastet e kohëve të fundit dhe gjithashtu ato problematike.

Ne gjithashtu sigurojmë që këkesat për kredi të vlerësohen në aspektin e pajtueshmërisë së aplikantit me praktikat etike të biznesit. Asnjë kredi nuk është lëshuar për individë ose biznese nëse dyshohet se ata janë duke përdorur forma të pasigurta  ose moralisht të dënueshme të punës, veçanërisht punës së fëmijëve.

Një aspekt tjetër i këtij kujdesi për të siguruar që institucioni ynë të zbatojë standardet më të larta etike është zbatimi i vazhdueshëm nga ana jonë i praktikave dhe procedurave të praktikës më të mirë ndërkombëtare, për të penguar përdorimin e bankës si mjet për pastrimin e parave apo aktivitete të tjera të paligjshme sic është dhe financimi i aktiviteteve terroriste. Motoja ku përqendrohen punonjësit tanë është “njih klientin tënd”, dhe, në përputhje me këtë parim, përqendrohemi te kryerja e një raportimi të shëndoshë dhe zbatimi i rregulloreve në fuqi. Pastrimi i parave dhe parandalimi i politikave të mashtrimit përditësohen rregullisht dhe ushtrohen në të gjithë grupin për të siguruar përputhjen me standardet rregullatore lokale dhe ndërkombëtare.