Baner Korporativ Brenda

Banka dhe Aksionerët e saj

ProCredit Bank Shqipëri u themelua në vitin 1995 si “Fondacioni për Sipërmarrje, Financë dhe Zhvillim” (FEFAD), ku 100% e kapitalit aksioner sigurohej nga KfW. Fokusi i institucionit ishte të siguronte mundësi financimi për bizneset shqiptare të vogla dhe shumë të vogla. Pavarësisht nga trazirat politike dhe ekonomike në vend, në vitin 1997 FEFAD-i arriti të ketë një performancë financiare të suksesshme dhe morri licencën bankare në vitin 1999, duke u kthyer kështu në FEFAD Bank. Aksionerët themelues të bankës ishin Fondacioni FEFAD, ProCredit Holding (atëherë e njohur si IMI), Banka Europiane për Rindërtim dhe Zhvillim (EBRD), si dhe Korporata Ndërkombëtare Financiare. Këtyre aksionerëve iu bashkua edhe Commerzbank AG në vitin 2002. Këtë vit, ProCredit Holding forcoi edhe më tej pozicionin e saj në bankë duke blerë aksionet e EBRD-së. Kapitali i paguar është rritur vazhdimisht dhe aktualisht arrin në 22,7 milion Euro. Në vitin 2003, institucioni mori emrin “ProCredit Bank”, duke reflektuar në këtë mënyrë lidhjen me grupin ProCredit.

ProCredit Holding është kompania mëmë e grupit global të 22 bankave ProCredit. ProCredit Holding u themelua si Internationale Micro Investitionen AG (IMI) në vitin 1998 nga kompania pioniere për këshillim financiar, IPC.

ProCredit Holding ka si qëllim të zgjerojë mundësinë për shërbime financiare në vendet në zhvillim dhe ekonomitë në tranzicion, duke ndërtuar një grup bankash që janë lider në sigurimin e shërbimeve financiare të paanshme dhe transparente për bizneset shumë të vogla, të vogla dhe të mesme si dhe për popullatën e përgjithshme në vendet ku ato veprojnë. Përveç plotësimit të nevojave të filialeve të saj për kapital, ProCredit Holding drejton zhvillimin e bankave ProCredit, cakton menaxhimin e lartë dhe mbështet bankat në të gjitha zonat kryesore të aktivitetit, duke përfshirë operacionet bankare, burimet njerëzore dhe menaxhimin e riskut. Gjithashtu, siguron që vlerat korporative të ProCredit, praktikat më të mira bankare dhe parimet e menaxhimit të riskut Bazel II të vihen në zbatim duke u bazuar në standardet e autoriteteve gjermane.

IPC është aksioneri kryesor dhe një investitor strategjik në ProCredit Holding. IPC ka qenë forca sipërmarrëse drejtuese e grupit ProCredit që nga themelimi i bankave.
ProCredit Holding është një partneritet me pronësi publike dhe private. Përveç IPC dhe IPC Invest (instrumenti investues i stafit të IPC dhe ProCredit), aksionerët e tjerë privatë të ProCredit Holding përfshijnë Fondacionin Holandez DOEN, fondin amerikan të pensioneve TIAA-CREF, fondin amerikan Omidyar-Tufts Microfinance Fund, fondin zvicerian të investimeve responsAbility. Aksionerët publikë të ProCredit Holding përfshijnë KfW (bankë promocionale gjermane), IFC (dega e sektorit privat të Bankës Botërore), FMO (banka holandeze e zhvillimit) dhe BIO (kompani belge investimesh për Vendet në Zhvillim) dhe Proparko (Kompania franceze e Investimeve dhe Promocionit per bashkepunimin ekonomik).

Forma ligjore e ProCredit Holding është e ashtëquajtura KGaA (Kommanditgesellschaft auf Aktien, ose në shqip një partneritet me përgjegjësi të kufizuar). Kjo është një formë ligjore e përdorur shpesh në Gjermani, e cila në thelb mund të konsiderohet si një kompani aksionare në të cilën roli i Bordit Drejtues është marrë përsipër nga një Partner I Përgjithshëm , dhe në të cilën Partneri I Përgjithshëm ka të drejtat e pëlqimit mbi vendime të caktuara të aksionarëve.  Në rastin e ProCredit Holding, Partneri Përgjtihshëm është një kompani e vogël e veçantë e cila zotërohet nga aksionerët kryesorë të ProCredit Holding AG&CO, KGaA, IPC, IPC Invest, DOEN, KfW dhe IFC. Struktura KGaA do t’I lejojë ProCredit Holding të rrisë kapitalin në të ardhmen pa ulur ndikimin e aksionarëve kryesorë në sigurimin e gjithë qëllimeve, në zhvillimin dhe suksesin tregtar.
ProCredit Holding ka marrë një vlerësim investimi (BBB-) nga agjencia Fitch Ratings. Në fund të vitit 2011, baza e kapitalit të grupit ProCredit ishte EUR 469 milionë. Totali i aktiveve të grupit ProCredit është EUR 5.5 miliardë.

Në linkun e mëposhtëm do të gjeni proçesverbalin nga Mbledhja e Asamblesë së ProCredit Bank Albania me datë 26.06.2012

Proçesverbali i Mbledhjes së Asamblesë datë 26.06.2012