Baner Korporativ Brenda

ProCredit Bank i shërben klientëve të saj me një rrjet prej 35 degësh dhe agjencish të shtrira në 16 qytetet kryesore të vendit, që kanë një nivel të lartë popullimi dhe mundësi më të mëdha zhvillimi të biznesit. Qëllimi ynë është t’u gjendemi sa më pranë bizneseve të vogla dhe të mesme për t’i mbështetur ata në nevojat e tyre për zhvillim.

Viti 2010 ritheksoi filozofinë e bankës për mbështetje të bizneseve shumë të vogla, të vogla dhe të mesme, përmes ofrimit të një shërbimi të diferencuar sipas nevojave të këtij grupi me qëllim forcimin e bashkëpunimit të qëndrueshëm të këtyre bizneseve me bankën.

Në mbështetje të kësaj, gjatë vitit 2010 u riformatuan strukturat tona të degëve në organizime të reja që i përshtaten më mirë fokusit të bankës drejt këtij grupi klientësh.
Kështu njësitë e bankës u organizuan në Qendra Biznesi me staf të dedikuar drejt një marrëdhënie cilësore me bizneset dhe nevojat e tyre. Degë në shërbim të dedikuar bizneseve shumë të vogla, të vogla, individëve dhe Pikave të Sherbimit, të specializuara për një shërbim të shpejtë e cilësor për të gjithë. Qëllimi është të vlerësojmë nevojat dhe kohën e gjithsecilit, të individit i cili kërkon të shërbehet shpejt e pa radhë të gjata dhe të biznesit që përveç shpejtësisë në transaksione kërkon mbështetje dhe konsultë financiare.

Gjatë 2010 u hapën dy pika të reja shërbimi si dhe shumë degë e agjenci të tjera u zhvendosën drejt zonave më afër klientëve dhe bizneseve. Po kështu në vijim të gjithë njësitë e biznesit do të rikonstruktohen për t’i shërbyer më mirë klientëve që shërbehen pranë tyre.

Viti 2010 shënoi një rrjet prej 35 njësish biznesi të organizuara në 12 Degë, 3 Qendra Biznesi, 3 Qendra Shërbimi dhe 22 Pika Shërbimi.