baner eko HIEE

ProCredit Bank merr pjese ne aktivitetin per promovimin e energjise se paster

ProCredit Bank është ndër të parat institucione në vendin tonë që ofron mbështetjen dhe aplikimin e politikave për mbrojtjen e mjedisit dhe përdorimin e Energjive të rinovueshme.

Këte herë ProCredit Bank së bashku me UNDP dhe GIZ, synon të sjellë më afër konsumatorëve shqiptarë modelet më të mira për përdorimin e energjive eficiente. Sisteme të Paneleve Diellore dhe fotovoltaike për ngrohjen e ujit instalohen falë projekteve të UNDP në zonën malore të Thethit.

Një aktivitet dy-ditor që konsistoi në sjelljen e eksperiencave më të mira në bujtinat e zonës së Thethit, që kanë aplikuar  implementimin e sistemeve të paneleve diellore për ngrohjen e ujit dhe prodhimin e energjisë, është organizuar në datat 20-21 Korrik.

Pjesëmarrja e Bankës në këtë aktivitet të organizuar nga UNDP përkon me eventet e shumta edukuese që ajo ka ndërmarrë, si dhe me fillimin e fushatës “Investoni me Eficiencën e Energjisë”. Përfaqesuesit e bankës prezantuan opsionet dhe përfitimet financiare që sjellin produktet e Eficiencës së Energjisë si dhe avantazhet e ofruara nga fushata më e re e ProCredit Bank.

Në vitin 2012 UNDP nëpërmjet Programit të granteve të vogla dhe Projektit të Ngrohjes së Ujit nëpërmjet Energjisë Diellore, u ka mundësuar 11 Bujtinave Mikpritëse instalimin e paneleve diellore për dushe dhe përdorime te tjera shtëpiake. 10 Bujtinave të tjera dhe Infermierisë së Komunës së Theth-it, Shkodër ky projekt i ka mundësuar instalimin dhe pajisjen me Sistemin Fotovoltaik që siguron furnizimin me energji elektrike për qëllime ndriçimi. Përfituesit, banues në zonën së thellë, kanë dëshmuar një përmiresim të kushteve te jetës dhe ngritjen e bazave te zhvillimit te nje turizmi malor per vizitorët e kësaj zone.

Sistemet (panelet) diellore kanë potencial të madh në Shqipëri. Vendi ynë ka klimë shumë të favorshme me një mesatare prej 2,400 orësh diell dhe me një rrezatim diellor mesatar vjetor  prej 1,450 kwh/m2. Në përfundim te aktivitetit, ProCredit Bank krijoi kontaktet për të thelluar më tej bashkëpunimin për kreditime me Eficiencën e Energjisë.