Procesi i përzgjedhjes

Ne i marrim në konsideratë shumë seriozisht aplikimet tuaja, ndaj duam t'ju informojmë me parimet e politikës sonë të rekrutimit dhe t'ju ofrojmë disa rekomandime për një aplikim të suksesshëm.

Është shumë e rëndësishme për ne që të dimë se cili është motivimi juaj për të qënë pjesë e grupit tonë: ne jemi duke kërkuar për kandidatë që kuptojnë dhe pranojnë misionin dhe vlerat tona. Prandaj, ne ju rekomandojmë që të informoheni përpara se të përgatisni letrën e motivimit dhe CV-në tuaj. Një informacion më të gjërë për ProCredit Group mund të gjeni në adresën e ProCredit Holding: www.procredit-holding.com

Proçesi ynë i rekrutimit përfshin 7 hapa:

_______________________________________________________________________________________________________

Si hapi i parë për të aplikuar për Programin Bankierët e Rinj, ju duhet të plotësoni Aplikimin on-line të CV-së dhe të dorëzoni letrën e motivimit në mënyrë të drejtëpërdrejtë në adresën tonë. Nuk pranohet asnjë formë tjetër aplikimi. Këto hapa janë shumë të rëndësishme, sepse kjo tregon seriozitetin e aplikimit tuaj. Letra e motivimit na jep ne përshtypjen e parë të personalitetit tuaj, që i shtohet informacionit që gjendet në CV.

Qëllimi i këtij hapi është që t'ju japim mundësinë që të prezantoni personalisht veten tuaj dhe të ofroni detaje mbi eksperiencën tuaj, edukimin, arsyet e aplikimit etj. Këto biseda do të zgjasin rreth 20-30 minuta dhe duhet të kryhen në një ambient të qetë, ndaj ju rekomandojmë që të na thoni nëse nuk keni mundësi që të flisni me ne në atë moment, në mënyrë që të riprogramojmë telefonatën

Meqënëse matematika dhe logjika bazë luajnë një rol të rëndësishëm në aktivitetet tona të përditshme, ne u kërkojmë aplikantëve që t'i nënshtrohen një testi matematik dhe logjik në Zyrën Qëndrore të Bankës, në Tiranë. Ne u sigurojmë aplikantëve shembuj të ndryshëm në mënyrë që të rifreskojnë njohuritë e tyre dhe i ndihmojmë për tu përgatitur në test. Aplikantëve që udhëtojnë për në Tiranë nga qytete të tjera, do tu rimbursohen shpenzimet e udhëtimit.

Kandidatët mund gjithashtu të ndjekin një nga kurset tona përgatitore; këto kurse ofrohen pranë Qëndrës sonë të Trajnimeve në Tiranë, një javë përpara ditës së testimit.

Klikoni këtu për të parë Testet e Matematikës (PDF)

Kjo fazë na lejon që të vlerësojmë cilësi të ndryshme, si për shembull aftësia juaj për të punuar në grup, aftësitë tuaja të komunikimit si dhe aftësia juaj për të shprehur opinionet tuaja dhe argumentat përkatës.

Dy seanca diskutimi rreth 45 minuta secila, do të zhvillohen në grupe prej 6 vetash. Një diskutim do të bazohet në tema të karakterit ekonomik, ndërsa tema tjetër do të ketë karakter social. Ju nuk keni nevojë që të keni njohuri specifike mbi këto tema, por ne presim që ju të jeni një pjesëmarrës aktiv përgjatë diskutimeve, sepse kjo është mënyra e vetme se si mund t'ju vlerësojmë. Ju këshillojmë që të përfitoni sa më shumë nga kjo mundësi.

Nëse ju do të keni një performancë të mirë gjatë diskutimit në grup, ju do të ftoheni për një intervistë individuale. Intervista është një mundësi e mirë për të zhvilluar një bisedë të hapur dhe të drejtëpërdrejtë me stafin tonë, ku ju mund të diskutoni interesat dhe objektivat tuaja. Një intervistë e suksesshme do t'ju kualifikojë për hapin e fundit të proçesit të përzgjedhjes: focus session dy javor.

Hapi përfundimtar është një seminari dy javor me një grup kandidatësh të përzgjedhur. Përgjatë këtij seminari të gjithë aplikantët e përzgjedhur, do të mblidhen sëbashku në një mjedis të qetë larg kryeqytetit. Synimi i këtij hapi intensiv, është që kandidatët të njohin më mirë ProCredit si institucion, por që edhe ProCredit të njohë aplikantët më mirë.

Ky hap i proçesit, familjarizon pjesëmarrësit me karakteristikat që përcaktojnë ProCredit si një institucion dhe paraqesin këndvështrimin tonë mbi bankingun e përgjegjshëm dhe parimet etike, siç pasqyrohet në modelin tonë të biznesit. Diskutime dhe debate mbi çështje filozofike, do të lejojnë kandidatët potencialë të "Bankierët e Rinj" që të fitojnë një botëkuptim më të gjërë përsa i përket mendimit mbi moralin dhe dilemat etike. Kjo shkëputje synon që të ndihmojë aplikantët që të jenë më të ndëegjegjshëm dhe të mendojmë në mënyrë kritike mbi vendimet morale me të cilat ne përballemi në jetën tonë të përditshme, profesionale dhe personale. Çdo pjesëmarrës ka mundësinë që të përfshihet në diskutime, të kundërshtojë, të arrijë në konkluzione të pavarura si dhe të rishikojë mënyrën e të menduarit. Ky kurs parapërgatitor dy javor është një mundësi për çdo aplikant që të vlerësojë rëndësinë e pjesëmarrjes në Programin "Bankierët e Rinj" dhe një mundësi për ProCredit që të vlerësojë ata kandidatë që përshtaten më mirë me Programin.

Me përfundimin në mënyrë të suksesshme të këtyre dy javëve, kandidatët janë të ftuar që të marrin pjesë në Programin Bankierët e Rinj.

_______________________________________________________________________________________________________

Florian Lleshi

Këshillues Biznesi në Degën e Tiranës së Re

Përfunduar PBR në vitin 2012

Unë kam shpenzuar shumë kohë dhe energji duke kërkuar për një punë që i përshtatej fushës ku kam studiuar, por ishte shumë e vështirë. Më pas, pashë mundësinë e aplikimit në Programin Bankierët e Rinj. Isha i lumtur që nuk kisha pse të njihja njeri nga ProCredit Bank që të mund të aplikoja; thjesht plotësova aplikimin online. I gjithë proçesi i rekrutimit ishte i ndryshëm nga eksperiencat e mia të mëparshme: ishte transparent dhe i përshtatshëm që në fillim. Kjo ndikoi në besimin tim për hapat e mëtejshëm. Mbi të gjitha, unë u pranova në program bazuar në meritat e mia dhe jo bazuar në ndonjë kriter të pandershëm.

Gjithmonë e kam ditur se mund të bazohesha tek pikat e mia të forta, por është e rëndësishme që të kesh një mundësi që t'i tregosh ato. Programi, natyrisht, ishte i vështirë, por jam i lumtur që pata mundësinë të provoj aftësitë e mia dhe të mësoj aftësi të reja.

_______________________________________________________________________________________________________

SI TË APLIKONI >>