Transferta te Shpejta

ProCredit Bank – Partneri juaj në Agrobiznes

18 Maj 2012

ProCredit Bank – Partneri juaj në Agrobiznes

ProCredit Bank beson se përdorimi i potencialeve të pashfrytëzuara në sektorin e Agrobiznesit ka një rëndësi të veçantë për rritjen ekonomike dhe të ardhmen e vendit. Ndaj Banka synon të sjellë pranë njerëzve dhe bizneseve që prodhojnë të mirat bazë, shërbimin dhe ekspertizën e saj financiare.

Në këtë sezon intensiv për sektorin, ProCredit Bank sjell një ofertë të re për t’ju përgjigjur kërkesave për financim si për hapjen e një aktiviteti të ri, apo edhe financime për zhvillimin e mëtejshëm të Agrobiznesit, Biznesit ne Blegtori, si dhe në Fermat Bujqësore. Njohja e këtij segmenti klientësh dhe eksperienca e gjatë e Bankës në këtë fushë siguron shërbimin më të mirë në treg.

Gjithashtu ProCredit Bank sjell produktin EKO – Eficienca e Energjisë, me të cilën mbështeten investimet e fermerëve dhe agropërpunuesve në teknologjitë e reja, të cilat reduktojnë shpenzimet mujore.

Me konkretisht ProCredit Bank ofron mundësi të shumta për të zhvilluar më tej biznesin, duke investuar në sera të thjeshta diellore, sera me ngrohje qendrore, fidanishte, ndërtimi i rezervuarëve të grumbullimit të ujit të shiut, përdorimi i energjisë diellore, me panele diellore dhe panele fotovoltaike për prodhimin e energjisë elektrike, traktorë të rinj etj.

Potencialet e bashkëpunimit të Bankës me aktivitetet e Agrobiznesit janë të mëdha sepse banka është e gatshme t’ju ofrojë ekspertizën e domosdoshme për të ndërtuar apo zhvilluar më tej një aktivitet biznesi të qëndrueshëm, nëpërmjet strukturave të specializuara që janë këshilluesit e bankës për agrobizneset. Kreditë ofrohen me nje procedurë të shpejtë, sipas nevojave specifike të çdo biznesi, pa kosto shtesë dhe me fleksibilitetin e zgjedhjes së planit të shlyerjes sipas prodhimit dhe sezonalitetit.

ProCredit Bank njihet gjerësisht si institucioni bankar me portofolin më të madh agro në sistemin financiar shqiptar dhe ky fakt e bën Bankën një nga aktorët kryesorë me influencë në këtë sektor. E përgjegjshme për rolin në ekonominë e vendit si dhe për peshen që zë sektori për 60% të popullsisë së vendit, Banka vijon të investojë në ngritjen e strukturave mbështetëse financiare për bashkëpunim afatgjatë.